الرئيسيةس .و .جالتسجيلدخول

شاطر | 
 

 خانــ قلبي ــي

اذهب الى الأسفل 
كاتب الموضوعرسالة
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: خانــ قلبي ــي   الخميس يونيو 12, 2008 1:31 am

أتمنى تعجبكم هااي أول قصه حقـــي... وبكمل اذا لقيت ردوود حلوه منكم ..هاااااااع
حمدان :السلام عليكم ..ياجماعة الخيــر
الكــل : وعليك السلام
أم حمدان : هلا بالمهلي ..قرب صوبــي ..
حمدان : اقرب صوبج وبــس ..أنت لو تبين عيونــي فدوه لج ..ويلس قريبهاوحبها فوق الراس:شحالج ياأحلى أم ف الدنيا..
أم حمدان : يسرك حالي..ليج ان شاء الله مانزلت للريووق..ويانا ؟؟!!
أم محمد(اليده):هيه لاريوق ولاغدى ..؟؟!!ليج أمس متأخر فليل ؟؟! ها قول شعندك لنصاص الليالي؟؟
سلطون : زخوووووه ..وييييوووو..
حمدان: ياويل حالي منكم ..منو يقدر يشرد عنكم انتوا!! الله يسلمكم أمس سرنا الربع يماعه للسينما تدرون أمس الخميس ؟؟!!وهو يتكلم يفلع سلطوون بالمخده ..
اليده :هيه قابضين لنا سنما وسنما ..أتخبركم أنتوا شوتسوين هناك ؟؟!! هااااااا!!!!!!
بذاك الوكت تنزل شموه ع الدري :السلام على من اتبع الهدى...
الكــل : وعليكم السلام ..
اليده : وأنت ؟؟!!ليج بعدج ماتريقتـــــــي..هاااااا ..
حمدان بصوت خفيف: الحمد لله يوم نزلــت أقدر أشرد اللحيــن ..
شموه تستغبــى : حمدانووه شو قلت ماسمعتك عــدل ..هههه
سلطون: ههههههههههههههه
اليده :بلاكم تتصاصرون من تحت لتحــت هاا..محد أحسن من سلطوونــي فديته ..هو الوحيد اللي يسمع الكلام..
سلطون : احم احم أشكرج الصراحه ..ثقه فمحلهــا ..ههه ..... وقتها توصلهـ مخده من صوب شمووه ..
شموه: ماما شوفيه يدووه .. ماتبانــي ..
اليده : اسمع مسخرة البنااات .. نشي نشي تريقي قبل لا توصلج العصــا فوق راسج ..
حمدان وسلطون وأم حمدان : ههههههههههههههههه
شموه أونه زعلانه : ما أبااااا ... بسير غرفتــي أحســن وهي بتظهر جان يرن تلفون حمدان وترد شموه بسرعه ..
شموه : ها منو ...؟؟؟
سلطون عن اللقافه ..بسج قومــي ..
شموه: حمدانووه شوووفهم ....
حمدان : الشيخ مايد ... ولد ..
شموه : المالت على حظـــــــي ...
اليده : اسمع التخريف انتوا ..منو تبيــن يتصل بج هاااا..!!!
شموه بصوت خفيف : ابتلينا ..يدوووه كنت عبالي سلامــي المتصلهـ ..
اليده : وانت من متــى تبين سلامــي .. تقول سلامي تقول ..
شموه بصوت خفيف : وابووي علينا .. أنا شو بيخلصنـــــي ..
حمدان : كملوا بروحكم .. برد عليهـ وهو يظهر يدخل أبوهم محمد: السلام عليكم ..
الكــل : وعليكم السلام ..
اليده : تعال شوف أولادك جيف مستوين مراغد ..
بو حمدان : هههه ليج شو سووا اليوم بعـد ..؟؟
شموه: فديت أبويه ماشي كنت أمس سهرانهـ ووعيت متأخر ... وهي تبانـــــي أتريق.. وأنا مالي خاطر..
اليده: سمعت ..سمعت الرغيد شو تقول ..
بو حمدان : لاتعوريـن راسج وياهم .. يوم بيي بخاطرهم ياكلون ..بياكلوا ماعليج منهم ...
شموه : فديـــت أبوووووويهـ وراحت تبوسهـ ..
اليده : أنت بروحك مرغد ... مرغد عيالك ...
بو حمدان: اللهـ يهداج ...أميه .. أفا ولا نشوووف زعلج .. اللحين شموه بتسير تاكــل ..وصد لشموه : ياللهـ شموه فديتج سيري المطبخ تريقــي ... ويغمز عليهــا .. ضحكت شمووه ..
شموه: من عنووووووووونــي ..
اليده : وليج ان شاء الله .. وأنا شو ماتسمعيــن كلامــي ..هااا
شموه : لا يدوووه أنا أصلا بروحــي كنت بسير باكــل بس حبيت أغايض فيج .. أصلا بطني تصاصرنــي من الصبح .. وهي يوم تتكلم تسير صوب يدتها وتبوووسهــا فوق راسهــا ..
اليده : هيه شايفتي بنت أمــس تقصين علي .. سيري عنــي ..يالله..
شموه تركض قبل لاتوصلهــا العصــا ..
سلطون وام حمدان وبو حمدان : ههههههههههههه
أم حمدان : فديتج ياربي ..ربي يحفظج ..
شموه : سمعتج ...فدييييييييييييييتج ..وتسير صوب المطبخ ..
أم حمدان : يالله سلطون سير اسبح اليوم اليمعهـ ..
سلطون : ان شاء الله ...
بو حمدان : يالله بسير بعد أنا بسبح ..
أم حمدان : بيك بجهز لك ... عمتــي السموحهـ منج ..بسير برد عليج..
اليده : ماعليه .. أترياج في الحديقه .. جدااااام ..
احم احم ...... اللحيــن بعرفكم بشخصيات القصه ..
أم محمد (اليده) ..شيخه .. زوجهــا متوفــي ..عندها " سالم أكبر واحد فيهم , حمد الثانــي , موزه الثالثه ...محمد الأخيــر"
عايلة محمد ...
بوحمدان (محمد) ...عمره 35 سنه , ..يشتغل بشركته الخاصه..
أم حمدان ( مريم )...عمرهـا 35 سنه... لووول
أولادهم ..سلامه عمرها 25 سنه متزوجه (مطر )عندها عيال ..بعدين بتعرفون ..لاحقيــن حمدان : عمره 22 سنه .. يدرس بأكاديمية الاتصالات ..بدبــــــــي .., شما : عمرها 20 سنه ..تدرس بجامعة زايد ..بدبـــي .. سلطان 18 سنه يدرس ثانويه علمــي آخر سنه ..
عايلة حمد ...
بومايد(حمد) عمره 40سنه
أم مايد (نوره )40 سنه
مايد عمره 22 سنه ..يدرس مع حمدان فاتصالات دبـــي .. عمر عمره 18 سنه .. يدرس ثانويه علمي آخر سنه بصف سلطوون .. منال ..عمرها 16 سنه .. فصف عاشر .. .. حصووه 10 سنيـن عمرها بصف رابع .. ..
عايلة موزه ...
أم راشد ( موزوه) عمرها 37سنه
بو راشد ( سيف) عمره 39سنه
راشد 24 سنه ..يشتغل بمطار دبي الدولــي .. العنووود 20 سنه تدرس مع شموه بجامعة زايـــد ... خلود عمرها 18 سنه تدرس ثانويه علمــي بعــد .. مبارك عمره 17 سنه .. أدبـــــــي ..... زيـــــنب 10 سنين بصف رابع مع حصووه بنت خالها ..
عايلة سالــم ..
بو محمد (سالم ) 45 سنه ..بشركه خاصه فيه ...فالعيـــــن ..
أم محمد( سلامه) 42 سنه ..
محمد عمره 25 ... يشتغل بشركة أبوووه ..خالد عمره 22سنه يدرس مع حمدان ومايد ...فالاتصالات ..بدبــي ..ويسكن بشقه .. .. الهنووف ..عمرها 18 سنه آخر سنه أدبــي .... عبير 12 سنه بالصف السادس..

عايله مطــر..
مطر..25 سنه
سلامه بنت محمد 25 سنه..... أولادهم أحمد (أحمدوه )ثاني روضه .. وسعيد ( أودي ) بيدش بعده روضه ..وعبدالرحمن ( حمانو ) سنه ونص ..
الساعه 8وربع في الحديقه
شموه: هاااااااااااع شحالكم وشعلومكم....
اليده : انا أشوفنــي فيوم بكسر العصــا فوق راسج .. سلمــي قبل ..
شموه: يدووه أنا أسئل عنكم ؟؟؟!!! ومن ساعه مسلمه عليكم...
اليده : ومن ساعه سئلتي عن أخبارنــا
أم حمدان : هههه بسج لا تخبلين بيدتج ..
اليده : تيسر هي...فذاك الوكــت يرن موبايل شمووه
شموه: فديتها الغلا..
أم حمدان: منووو..؟؟ المتصل فيج..؟؟!!
شموه : هاي عنووودي بنت عمووه .. .. فديتها ..
العنود : مرحب ملايـــــــن....
شموه : المرحب باجي ....شحالج ..دبووه ..؟؟!!
العنود : دبووه فعينج ...
شموه: هههههه فديت عنونــي تغارين منهــا أنت ...
اليده :بسكم هزربه ..شحالهم ..؟؟
شموه: يدووه تسألج شحالكم ..؟؟
العنود: خبريها اشتاقت لــي .. عادي تكتم شوقها شويهـ ترى بعدين بنيكم ..
شموه: تقولكم بخيــر ..وأونه بعدين بتجوفينها ..
اليده : اللهـ يحفظهم يارب...وسارت شموه ..وهي تكلم العنود..
شموه : تذكرت ...نسيت الكيكه ...ماسويتها لــج ..
العنود: كنت متأكده قلت أكييد هاي بتنســـــــى ..
شموه : خلاص المره اليايه...
العنود : شووو اليوم أباها .. مالي شغل أنـا .. أباها ..
شموه : بسج لاتصيحين .. بشوف ما أأكد لج..؟
العنود : وتهون عندج عنووود الحلوه ...؟؟!!!!!
شموه : أفــا خلاص بسويها لج ...
العنود : خلاص عيل .. ضمنتها ...خسارة رصيـــــد هع هع ..
شموه : دبه ترااااااااااج..
العنود : ريلج الدب ..
شموه: اوص مالج شغل فريلـــــــــــي ..
العنود: مابنخلص من هالموااال ...حافظتنه ...عــدل ..
شموه: ههههههههه عشان تتأدبين ..
العنود : خلاص تأدبت ..يالله فداعة الله ..
شموه : بحفظ الرحمن..
وسارت شموه المطبخ تسوي الكيكه ..
الساعه 11قبل الصلاه (صلاة اليمعه)
سلطون: شموووه وين البخور ؟؟
شمووه :أول شيء ويـن حمدانووه , هو اول واحد قبلكم كلم ..
سلطون: يالله بسج هزربه ..تعالــــي ........وفذاك الوكت ينزل من الدري حمدان
حمدان :سمعت شيخك قبل هههههه ...
شموه : هيه لازم أنت الشيخ وبعدك البقيه... وهي تشووف سلطون ..
سلطون : يالله خلصونــــي بسرعه بتأخر عن المسيد بذمتكم ,,,ترى ...
شموه: يالله حمدانوه .... عسب بعض نااااس يبون يتبخرون ... وسارت تبخر ه... وياك أبوها الصاله ..
بو حمدان : بلاكم محتشريـن ...صلوا ع النبي...
الكـــل : الللهم صلي وسلم عليه ..
سلطون :أبويه شوفهم ... يذلونــــــي فبخورهم ..
حمدان: ههه تعرف أبوي لازم البجر أول ...
بو حمدان : ولازم الأبو أول ههههههه وتبخر بوحمدان وحمدان وسلطون ...وساروا جماعه..
شموه سارت غرفتها تسبح ..وقرت سورة الكهــف..وتريت الآذان لين يأذن ..وصلــت ..
الساعه 1وعشر ..بدى التجمع العايلـــــــــي فالبيت ...
الشباب فالميلــس والبنات فالصاله ..
تاااااااااااابع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الخميس يونيو 12, 2008 1:31 am

بعد الغدى صوب الشباب..

خالد: الا ميوود تعال ..شسالفة أحمدووه ,,
مايد : هههه ماشيء بس أونه يبــانا نظهر للصيد يماعه ..
راشد : حلوو ...عيل .. ليج أنتوا ماتبوون ..؟؟!!!
حمدان: هيه صج نظهر تعيبني هالطلعااات ..
مايد : قلت له لأ ...لأنــي بعدنــي ماأقدر أغيـب عن الأكاديميه ..
خالد : خلاص بالإجازه ..ها شو الراي ؟؟شباااااااااب ..!!
حمدان : أنــا من اللحيــن موافق ..
بوحمدان:ها بو محمد شو الشغــل وياك ..؟؟
بو محمد : الحمد للــهـ .. محمد شال عنــي الشغــل .. بس كنت أبــى خالد يساعده .. بس خالد داش هالأكاديميه ..
بوراشد : راشــد يبــى ينتقل هناك العيــن.. لو تبــى بشاوره لك ..
بو محمد : ياليــت .. واللهـ لو يقدر .. يساعدنــا ..
بو راشد : بشاوره لك ... بو سنيده .. خالك سالم ..يبــى حـد يساعده فالشركــه ماله ..ويساعد محمد..
راشد : زيــن عيل ..تــمـ لأنــي كنت بدور لي شغله هناك..
محمد : أفا يابو سنيده ..تدور على شغل ونحن موجوديــن ...
راشد : مافكرت فيهـا الصراحهـ ..
محمد: خلاص عيــل بيساعدنــي ولد العمهـ ..ههههه
راشد: يصير خـــير ..ويزاك الله خير خالـــــــي ..
ميود : ها .. بو سنيده .. تبـى تودر دارك دبــي ...
راشـد : ومنو يقدر يودرهــا .. بس مجبوريــن ...
صوب البنات
شموه : خيستنــي بالمطبخ .. الله يخسج يالدبه ..
العنود : قولــي لو مو من خاطرج .. مابكل منهــا ..
شموه: وغصب عليج بتاكلينها من خاطري ولا لأ ..
منــال : أنــا أقول بعــد , شموه ماتسكت .. ههههه
العنود : أدريبها بتقولــي جذا .. هههه عسب جيه قلتها .. يعنــي جذا ولا جذا بآكــل ..
شموه: هع هع هع ...دبوووووه تراج ..
العنود : دبه ولاغيره .. المهم باكل منهــا ..
أودي : شما .. تعالي شوفي أحمد مايبا يقوم من السياره .. أبــى ألعب ..أبــى أركبها
منــال : أودي تعال ..
أودي : أبــى شما خالوه ..تعالـــــي ...
شموه: فديتك أنــا ..أوك أوك تعال ... وهي تقوم وياه ..
العنود : بتزلنــا في الكيك...حشى علينا هب كيكه هاااي ..
شموه: ههههه لازم خليها تتغلى عليج ..هههه
منــال : ماترديــن الا وياج الكيك....
شموه: أوك ---- أوك كلتونــي ..
صوب الشباب ..
عمر: تعالوا نخبل ف البنااات ...
بروك : هيه أبــى أخبل ف منــال ...
سلطون : ههههه هيه ترفع ضغطها أنــت ..من الزيـــن ..
خالد : هيه يالله ندخل وياهم بالصاله ...
مايد : أنـا بسير المطبخ .. بسويلي نسكافيه ..
حمدان: ياعشقك للنسكافيه ... سير أبوي والحقنــا ترى بنكون .. فالصاله...
مايد: بسم الله ... الله أكــبر .. تف تف تف ..
خالد: يالله خلصنــا .. سير ... سير ..
مايد: شغال أبوك وأنــا ما أدري ..
الكــل : هههههههههه
صوب المطبخ
شموه تقطع الكيــك .. والشيله شويه طايحه .. يعنــي بس طالع القصه مالها .. دخل مايد
مايد: هوووووو
شموه: ماااماااااااا.. وصدت صوبه,,
مايد: هههههههههههههه
شموه: الله يغربل ابليسك ..خوفتنيــي وهي تصد عنه.. اجلب ويهك .. شعري طالع ..
مايد: حلاتج عيــل ..ههه
شموه: ميود .. اجلب ويهك ..
مايد: شو ماأسمعج عــدل .. أقرب ..شوي ..
شموه: وصمخ الجلاب..والله ان تقدمت خطوه...خلنــي أغطي شعري لأول...
مايد: أفــا ايدج فيها كيك .. بدخله بدالج ..ههه
شموه: ميوووود ..يالدب ..أنت شو اللــي يباك هنــي ..الله يغربلك أنت والعنود ومنالو ..
مايد: لو سمحت أختــي لاتسبينها ..
شموه : وبسببهم أنا هنــي ويى هالكيك ... وياك..
مايد : حظج الحلوو .. أنج وياي ..
شموه: يالله بحرمه حووله ..ياميوود .. اجلب ويهك عنــي..
مايد : موجنج سبيتي روحج ...هههههه
شموه: لو خلصوا ريايـــل الدنيا ماآخذك ..
مايد: وأنا لو يابولــي بنااات الدنيا .. ماأباهم ..
شموه : أنت شو اللــي يابك هنــــــــي..
مايد: صـح سويلـ ي نسكافيه .. لو سمحت ..
شموه: هيه شغالتك وأنا ماأدري ..
مايد :أنت فرحج تسويلي شيء..
شموه: استريح لافرحــي ولاحزنــــــــي ..بس اجلي ويهك عنــــــي ..
مايد: والنسكافيه مــالي ..
شموه: بيبه الصاله لك ... اظهر عنــــــي ..
مايد : لامايصير .. غيري يشوفنــي وأنا أشرب بشربه هنــــــــي ..هههه
شموه: لا حول ولاقوه... ها خلصت أنا الكيك مـالي ..سويلك نسكافيه ..
مايد: ويهون لــج ...ولد عمج ..بروحه يدخل المطبخ ويسويله نسكافيه .. وبنت عمه المصون ..تتطالعه ..
شموه: بسك ..بسك .. فكنــي بسويه لك ..
مايد: أدريبج ماأهون عندج ..
شموه : لا عادي تهون ... قولــي شخبارهم .. بعد العربان ..؟؟!!
مايد: منوو.......؟؟
شموه: اللــي ذاك اليوم شفناهم ..فالموول..
مايد : وأنت شلج منهم...بسج خريييط ..وماتسأليــن عن حــد ..
شموه: وافديتنــي ..شو قلت أنــا ...؟ بس سألت عنهم ..
مايد : ماشيء... وهو يظهر .. ماأباه ..خلاااااااااص..
شموه: وافديتنــي .. تردنــي وأنا بنت عمك ..وهو يسير عنهــا مايسمعها ..
تااابع في المره اليايه ... afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريماس
Admin
avatar

عدد الرسائل : 591
تاريخ التسجيل : 16/05/2008

مُساهمةموضوع: رد: خانــ قلبي ــي   الخميس يونيو 12, 2008 5:58 am



شكرا على
...القصه الحلوه

_________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://raak.ahlamountada.com
بنت راك

avatar

انثى عدد الرسائل : 64
العمر : 27
تاريخ التسجيل : 05/06/2008

مُساهمةموضوع: رد: خانــ قلبي ــي   الخميس يونيو 12, 2008 10:49 am

مشكوووووووووورة غناتي ع القصة الحلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الجمعة يونيو 13, 2008 12:44 am

العفووو فديتكم

بس شوو أكمل ولا .....؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
..AmAnY..

avatar

انثى عدد الرسائل : 331
العمر : 27
العمل/الترفيه : طالبة
تاريخ التسجيل : 03/06/2008

مُساهمةموضوع: رد: خانــ قلبي ــي   الإثنين يونيو 16, 2008 10:25 am

يسلموووووووووووووووووووووو عل قصه روعه
اي ابيج تكمليها اذا قدرتي ولا اقولج لازم تكمليها..
وانا راح اشجعج عل انج تكمليها كامل بس لا تملين وتستسلمين..^^

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الثلاثاء يونيو 24, 2008 11:46 pm

ف الصاله ..

دخل مايد .. عليهم ..وهو ساكت ..
منــال : فديتك ميوود .. تعال شو فهم ترى طفروبــي ..
مايد: منو....!!
بروك : شكله معصب الريال ..هههه ها سلطون ... اللــي يضايج فيهــا ..
مايد: هههه .. ترى منوله تااج ع روسكم كلكم ... محد يقرب صوبهــا ..فذاك الوكت تدخل شموه ..
شموه: ها الكيك .. حشرتونـــــي ...وها النسكافيه.. حقك .. وتشوف ميود..
مايد: مالي خاطر فيه ..
سلطون: عطينـــــي ..عطيني ..
شموه: أكوه ..خذ ..وهي يوم تمر صوبهم.. عطت مايد نظره .. اللــي شافتها العنود..
بروك : شو رايكم بنات اليوم ... نشوف فلم رعــب ..
منال : اللحيــن ... هيه , بعدين لأ ..أخاااااف ..
كانوا جالسين ..عالكنبات ..البنات ..و حمدان ومايد ..بروك ..والبقيهـ تحت قاعديــن ..
وبروك كان قريب من منالو ...يكلم منال بصوت خفيف ..
بروك : تعالــي.. عندي مابتخافيــن ..هههه..
منـال : ..جب سبال ..
شموه: هيه بروووك يبلنا الفلم ..
بروك : أنا اقترحت بــس ..
الكــل : ههههههههههههههههههههه
حمدان: خلاص العصـر ... بنسير وبنيب .. منو بيروح ويااااااااي ؟؟
مايد: أنــا ...بسير ...وجان يرن تلفون .. مايد..
مايـد: برب........... هلا بالشيوخ ..
حمدان : منو..هااا..؟؟
مايد: أحمدوووه ... ويطالع..شموه..وظهــر ..
شموه على طول كلمت العنود ..بصوت واطــي : سمعتيه .. هالغرشوووب ..
العنود: بسج يالسباله .. احشميهم انــززين ..
شموه: ههههههه خلينــــــــي اجحل عنونــــــي بالحلويــن ..
العنود: يالله بريل أعور ...
شموه: ريلج يالدبه... جبــــــي عن ريلــي فديته..
العنود : هيه ..ميود ..ها ..؟؟!!!!!!!
شموه ارتبكت من سؤالهـا ..: ها شووووو .. أنــا ..نو وااااااي ..
العنود : عيل ليج هازيج النظره .. ههههه..
شموه: أي نظره وأي خرابيط ...؟؟!!!!!! سكتــي سكتــي ..
شموه: حمدان فديتو ... خلنــا نظهر وياكــم..
حمدان : ماأدري بكم الصراحه أنـا عادي عندي ...
البنات : هييييييييييييييييييييييييييييييه ... يس ....يس ....
سلطون وعمور ..: لا لا .. شو ها ..ويـن تبون ..؟
شموه : انتوا سكتوا حمدانووه قالــي عادي .. وبعدين محد طلب منكم ...
حمدان : هههههههههههههههه
خالد: لا بنخلهـا سيرة شباب ...بــــــــــس ..
العنود : أفففففففففففف منكم ...
خالد: شو بعد هاي اليووم ...
العنود: ها عيل شو تبونـــــي أقوم أحببكم .. .. بو سنيده ..دخيلك قولهم نظهــر عادي ..
راشد: الشور شور أمج وأبوج وبعــدين عادي من عيووووونــي ..
حمدان: خلاص عيــل سيروا شاوروهــم ..
البناات : هيييييييييه .. وبدوا يتركضوا .. للباب ... أو ل وحده شموه .. يدخل مايد ...
مايد : بلاكم ..؟؟!!!!!!!!!! ماأحيده مارثووون اليوم ....
الشباب : ههههههههههههههههه
مايد: حمدان ... بيربعنــا أحمدوووه .. ... بعديــن ..
البنات : شوووووووووووووووو؟؟!!!!!!!! لا لا ......
الشباب عدا حمدان وراشد : وييييييييييو هههههههههههه ياحليلهن..
شموه: الله .. اسمعــي عنووودي ..الله
العنود : يالسخيفه .. محد بيظهرج وياهم ربيعهم ...
شموه: هيه والله ... لااااا
مايد : بسم الله بلاكم .........!!!
الشباب : يبون يظهرن عندنــا بعديــن ...
مايد : لا خلاص عطيته كلمه ..ماشي لكم اليوم ظهره ....
البنات : شوو ووو وووو ووو !!!!!!!
شموه : ونحن شو لنــا به هو بصوب ونحن بصوب ...وهي تتطالع الشباب ..
مايد وهو يفور من داخله وده يفلعها بتلفونه ..: قلت ماشــــــي خلاص ..
شموه شافته بقهـــــر ..و هو نفس الشيء ... بيموت قهـــــــر ....منهــا ..
يعني مابينهم بس نظرات ... والعنود تراقبهم ..ههه لووول ..
ويلس مايد .. والبنات كانوا وقفات .. بعدهم .. وشكلهم يضحك ..
بروك : ياحليلكم ... والله ... تعالوا تعالوا ..ههههههههه
الشباب : هههههههههه
شموه: نوووووو واااي أقعد وياكم....
منال والعنود :نحن بعــد ....
الهنوف وخلود : ليج عاد سويتوها سالفه...!!!!!تعالوا ...
شموه : لا ماشيء لي قعده معاهم ... وشافت ميوود وظهرت ...
مايد عصب من حركتها .. وحاول يطنش ذاك الوقت .. وشموه هيه وداخله داخل الصاله الداخليه للبيت ..
أم مايد : ويـن منال .. فديتج ..؟؟!!
شموه : هناكــي ..فالصاله وياهم ..
اليده : ارمسي عدل لاظربج بالعصـا ..
أم حمدان: بلاج شموه حد مضايقنج ..؟؟!!!!!!!
شموه : كنـا بنظهر اليوم ..للمول ..بس ميود خرب علينـا ..
أم مايد : ليج ..؟؟!!!!
شموه : واحد من ربعه بيي وياهم ..ونحن كنسلونــا ..قهرررر..
أم مايد : تعالي فديتج .. وقربت منها شموه ..::: ماأباج تحاتين ولاشيء .. اذا هب اليوم بتسيرين ..باجر ولا اللي بعده .. أخوج حمدان مابيقصر ..
شموه : أحلى الظهره لنــا كلنـا ..
أم محمد: هو كلامج صــح .. بس لاتزعلين لولد عمج ..
شموه : ان شاء الله .. .. بس هو يقهر فينــي ..(قلتكم خلاص ..) أونه تقلده ..
الحريـــم :هههههههههه
اليده : ايه أنت احشمي الريال ... بطوله وعرضه وقاعده تتطنز عليه ..

الصاله اللي برع ..
عمر : ايه شموه زعلت منا ولاكيــف ...؟!!
سلطون : ولا تحاتي شيء .. بعدين تبى شيء بترد علينا .. ترى كلهم البنات جذا ...
خالد : خلاص انزين حددوالهم يوم بتظهروهم فيه...
سلطون : شو نحدد ومانحدد .. خلنــا جذيه ..
حمدان : لا أنــا باخذهم المره اليايه...
العنود : بسير أخبر شموه ...عيــــــــــل ..
منال: ياربي تقهرون وتونسوون ...؟؟!!
بروك عدالهـا ..: وأنــا أكييييييد بس أونـــس ..^^
منال : ياربي منك .. أنت متـى بتخوز عنـــــــــي ..


بعد صلاه العصـــــر ..
مايد يدج هرن لحمدان ..بعده متأخـــــــــر..
حمدان : اللحيــــــن ياي ...
أم حمدان : ها لاتسرعوا ... و الله يحفظكم ...
حمدان: ماعليـــج .. ياأحلــــى أم أنت ...^^
البنات نازلات الحديقه ..
شموه: امممممم حمدانووه ...لاتنس تيب لـــــي جلكســي ...
حمدان: أها غلاااي من عيونـــــــــي .. بخاطركم شيء غــير ..!!؟؟
شموه : سلامة قلبك ..

الصاله داخــل ..
اليده : بتخبركم .. عيالكم متى ناوين يعرسون ...ها!!!!!
أم راشد : يقول بعده .. لين يعدل أمووره...
أم محمد: ها بعده .. مسكر راسه عن العرس ..
اليده : شو بعد مسكر راسه بعد ؟؟؟ يباله هزبه .. تعدل مزاج راسه ..
أم محمد : ياما حاولت وياه ..بس ماشي فايده ..عاد ماأدريبج ..كيف تتصرفيــن وياه...؟؟!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الثلاثاء يونيو 24, 2008 11:49 pm

البنات ف الحديقه..
الهنوف: خلود شو استعادادتــج للامتحانات ..؟
خلود : الله يخليج .. امهدلينا بهالتقاريـــر ..يعنــي نحن بتقارير ولا دراسه ..صج صعبولنــا ..واايد..
الهنوف: أنت بروحج بليتـي عمرج يوم دشيتـــي علمــي ..جان ريحتي راسج من بلاوي المسائل ..
خلود: لا عندي طمووح ... أصير دكتوراه..
الهنوف: وأنــا ياحليلي لاطمووح ولاشي ء...ههههه
العنود : هي شدوا حيلكم لاتفشلونــا ..
الهنوف: هي صــح جم كانت نسبتكم ..ف الثانويه..؟!!
شموه: احم احم 82.3 حلووووه صــح ..
العنود: أنــا غير 92.6 أحلـــ ى صح ..ههههه
شموه: سكتــي أنت ...صج مصريه ..
العنود : الا أنت المصريه ..أنــزين ..ولاهبشتــي الكتاب .. ومن ويــن هالنسبه..؟؟!!
خلود: هيه أتذكرها ... ماكانت تبــى تذاكر ..
شموه: يعنــي فذمتكم أطلع مسلسل مكسيكـــي ..لفرناندو... أهون ولا أجابل هالكتـــب ..
العنود: أنت سكتــي كله بالج ... هناكـــــــــــي ..
شموه: شسوي.. وشوي ..يتصل حمدان فيهــا ..
حمدان : هلا شمووووووه ..
شموه: أهليــن ..شحالك..!!
حمدان : بخير ,, موجنــــي ظاهر عنج من ساعه ...هههه
شموه: حمدانوووووووووووووه ...سبال ..ماحبك..
حمدان: المهم أتخبركم ...هالفلم شايفينه ولا لأ ....
شموه: شو اسمه..........!!!
The messengers2007حمدان:
شموه: لااااااااااا
حمدان :انزين سأليهم ..عنبوووه..
شموه: لا أنـا مشفته ..فهم نفث الثي... (نفس الشيء)...<<<<لووول شرات فريج ..هع هع هع
حمدان: أوك ... أوك خلاص ..برايج ...
شموه: ويبوا بعد كم من فلم رومانســـــــــــــي ..^^
حمدان: خلـــي ريلج ايبه ..هههههه
شموه: وحرمه صمخه ... ياحمدان ... جان تظربها العنوود .. وضحكت شمووووه ..
حمدان : بلاج .........!!
شموه: ها ماشيء ...... خلاص عيل نترياكــم ..
حمدان : يالله فداعة الله...
شموه: بحفظ الرحمن...

الهنوووف:يالله يبالنــا ...أكــــــــــــل للجلسه..هع هع هع
خلود : هي أنت همج لبطنج ...ههههه
الهنوف: حرام عليـج...بسم الله علـــــــي ..من عيونج ..
شموه: يالله شوتبوون ...؟؟ بنتصل فالبقاله ...ولا شو رايكم ..بنخبركم يمروا للجميعه بطريجهم..
العنود: هيييييييييه ..
شموه : خلاص بتصـل بحمدانووه ..------ اتصلت مارد عليها ..ردت اتصلت ..
شموه: ألوووو
(***) : منو الأخــت .. ؟؟
شموه: أنت منو...؟؟
(***) : صاحب هالتلفون مسوي حادث..منو وياااااااااااااي...؟؟!!
شموه تصارخ : شووو اييييه أنت لاتخرف علي ..حمدانوه ماصابه شيء ..
(***) : منو الأخـت .. ؟؟ تقربيله ...ولاكيــف..؟؟
شموه وهي تصيح : هيه أخته ...قووول الصــج ...الله يخليك ..
(***) كسر خاطره ..: ههههه شموه يالعصقوله .. أنــا ميوود ...
شموه: حقيييييييييييييييييييير ...تعرف ولا لأ... <<<< وسكت فويهه..
العنود : شموه ..بلاج ...؟؟!!
شموه: هالسبال .. ميووود... أونه صاحب التلفوون مسوي حادث..
منال : ههههههه فديت أخويه ... دومه جي يحب يتمصخــــــر ..
شموه: أوك .... ماأكون شموه اذا مارديتها حقه ..دب ..سبال...
العنود: خوفتنــــــي أنت وميود مالج...!!
شموه: ايييييييه .. مثل ماهو ولد عمــي ترى ولد عمج بعـد ..
العنود : ههههههه حلاتج يوم تعصبين ..
وجان يتصل ... من رقم حمدان ..شموه عطته حق العنود ...: خذي ردي عليه ..
حمدان: فديتج ...سووووووووري ..
العنود: هاااااا وفرت السماعه ل شموه...
شموه: ماأبــــــــى أرمسه ..ها سبال ... منال خذي رمسيه..

حمدان : ميوود تعال عطوا السماعه لمنال ..

العنود : هاأخوووج دبووه ..
شموه: فديتك ...... اظربه لين يتكسر راسه ...
مايد: هههههه من عنونــــــــــي ..
شموه: أنــــــــــــت ...دب خايس ... ماأكون شموه ان مارديتها حقك ..اجلب ويهك ..
مايد: لاتسكري ... اندوج أخووج ..
شموه: لاتكلمنـي ..يالله عطنـــــي ..
مايد: هههههههه أختك فنتك...هههه
حمدان: منو أخووووووها...هلا هههههه
شموه: هي أنت اضحك ..
حمدان: يعني هايلا ... عدالــي ماتبينــي اضحك ..
شموه: المهم بغيت منك تمر الجمعيه وتيبولنـــا...أكــل ..
حمدان : آمــري الشيخه .. شيء ثان ف الخاطر ...
شموه: سلامتك ...لا تسسرعوا ..
حمدان : فالج طيب ..
شموه: فداعة الله ..

شموه: هالسبال .. شسويله ..يقهر فينـــــــــي ..؟؟!!!
منال : لو سمحت أخوي ماأرضــى عليه ...فديته...هههههههه
شموه: أخووووي .. خليه يصطلب بلأول ...بعديــن قولــي أخووي ..
منال : هههههههههه
وكملوا سوالف...<<<<< خلاص مالكم شغل ..هاااااااااااااااع


المغرب ..
رن تلفون البيت.,.. وردت عليه اليده ..
اليده ..: شموووووووه ...
----------------------
اليده: العنووووود ...العنود ... تعالي أمــي ..
العنود: ها يدوه ..
اليده : من مذهبج ...يالخايسه ..
العنود: ماأقصد يدوه .. تعرفيني عــدل .. محترمتنج ... هب شرات شموه ...
اليده: هي لسانج أهون من لسانهـا .. الحينه .. ازقريلــي .. شموه .. وحده تباها بالتلفون ..
العنود: ان شاء الله .. ياأحــــــلى يده ..
شموه يت .. تكلم ربيعتها ميثوووه ..وبعديــن سكرت عنهــا .. عسب تواجد الأهـل وياهـا ..


بعد صلاة العشــــــى ..

تيمعوا الشباب .. والبنات ... بالصاله اللي فوق ..

We are ready خلود:
خالد: شو ردي ماردي .... وأنا بنتعشـــــــى ..
مايد يغايظ فيهـم ..:: هي صــح أنا يوعان حـــــدي ..تريونــا ...هههه
بروك: هيه تريونــا ... ماأعتقد وراكم شغله ..
شموه: لا ورنــا ولاجدامنــا ... بسرعه تعشوا ...وردوا ..
بروك : بسم الله تبين تقتلينا شوووو...؟؟
سلطون: هي الأكــل ماينوكــل بسرعه .. بعدين بيصير فينا شيء ...
أونهم يقهروون ف البنات ....
شموه: عادي خذوا راحتكم ...أعتقد ام بي سي .. ماترد حــد ولا شو الشور بنااااااات..!!بنطالعهــا ..لين تيون ... واذا تأخرتوا .. عطينا طااااااف ..
حمدان وراشد : ههههههههههههههههههه
محمد: بل بل شو هالتنافس هـــا ..
وكانوا الشباب بيظهروا خسرانين نقطه ..
بروك: ياحليهــا متغايظه من المقلب اللي سواه فيهـا ميوووود..ههههههه
سلطون: أنـا أقوول بلاهــا ..
مايد سكت ماعجبه الحــال وااايد ....
شموه --- انترست عيونهـا دموع وحاولت تخفـــي .. ميود---- كان مركــز عليهـا.. ولاحظ لهـا ..سارت تقعد شموه بالكنبه .. وتقلب بالقنوات..
مايد: يالله ..عسب بنرد نجووف الفلم وياهم ..^^
منال: ابتسمــت.. لهـ..
ونزلزا تعشوا .. يوم ردوا فووق ..
كانوا البنات يسولفن واستهبالات وحركــات لين وصلوا الشباب ..
حمدان : احم احم ..
العنود بصوت خفيف : ياويـل حااااالـي ..
شموه : اثقلــي , ترى بخبره ..هههه..
العنود : انطمــي .. لاييج كــف بويهج .. سبالوه ..
خالد : وصلوا الشيوخ ^^ وسعوا ...
سلطون : يعنــي نزلوا .. نحن بنيلــس ..
شموه : أنــا مابقوم من كـرسي مالــي ..
مايد : خلاص و هاي قعده ..وقعد تحتهــا .. يالله شبـــــاب ..يلسوا ..
بروك : ^^ ان شاء الله .. وقعد صوب منــال ..
حمدان وراشد ومحمد ..يلسوا تحت بس بصوب وحدهم جريب منهم .. المهم توزعوا ..
عمور : تارارا را ...
سلطون : من اللحيــن اللي يخاف يبعد ما نبــى صياح..هههه
ميود كان عداله سلطون وعداله عمور وعداله بروك .. ف هاذيلا تحــت ..
شموه : أول بندوا اللــيت ...
بروك: اللــي يبـــــى يقوم بروحه ..
شموه : وخروا انــزيـن .. بقوم .. ميود تنحــى شوي .. أمـا سلطون ..فكان عادي فما تحـرك .. وهي تلف الصوب اليمين .. عسب تبند اللــيت .. وهم بدوا بالتشغــيل .. فوقت ما ردت ..مايد مسوي نفسه مندمج مع البدايه ..
شموه : ممكــــــن ؟؟! <<<< وهي حايسه البوز ..
مايد : من عنونــي ..
شموه : ماأباها عيونك .. وهي تقعد ..
مايد صد للصوب اليمين ..بصوت خفيف : تتمنينهــا ..أصلا ..( كانت عيونه صــج حلووه .. عذااااب )
شموه : نو وااااااي ..
مايد : بنجوووف .. مابييـــــي يوم بتقوليـــــن لاتحرمنــي منهــا ..
شموه : مستحيــــل .. وصخ عنــي خل أتابع الفلم .. ممكــــن ..؟؟!
مايد: ^_^ أوك انـــــــزين ..
ومن صوب بروك بصوت خفيف ويصد صوبهـا : منال .. اذا بتخافيــن تعالــــي وياي هنــي ..
منال حست غير داخلهـا : ايه بسك صــخ ..عنــي
عمور: ايه بسك .. اسمعك أنــا ...
بروك : هههه ان شاء الله الشيــخ ..

وبدوا بالفلم ... وصخوا .. وشوي يتكلمون ويردوا يسكتوا ..



تااااااااااااااابع
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الثلاثاء يونيو 24, 2008 11:51 pm

هااااااااااااااااي لخاطرج اماني

وبكلمها لعيوونج ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
..AmAnY..

avatar

انثى عدد الرسائل : 331
العمر : 27
العمل/الترفيه : طالبة
تاريخ التسجيل : 03/06/2008

مُساهمةموضوع: رد: خانــ قلبي ــي   الأربعاء يونيو 25, 2008 7:11 am


ههههههههههههه
يسلمو يسلموووووووووووو الغاليه..
صج عجبني..
والحين بكمل بس الحين بييب فشار و بيبسي من دونهم ما تحلى القصه..

صج متحمسه اكملها..

بس عندي نقد ما يخص القصه الترتيب لان من اول ما قريتها شوي عيوني عورتني..
لان الخط كان صغير وايد وبعد مو ثقيل بس لو عدلتي وكبرتي الخط شوي من البدايه يكون احسن
عشان يلفت الانتباه ويجذب القراء..

تسلمين الغاليه ع مجهود..
و سموحه..^^

اترى يديدج واكمال القصه...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كلي دلع



انثى عدد الرسائل : 147
العمر : 26
العمل/الترفيه : student
تاريخ التسجيل : 12/06/2008

مُساهمةموضوع: رد: خانــ قلبي ــي   الخميس يونيو 26, 2008 12:42 am

القصه رووووووعه

و يلا نتريى التكمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   السبت يونيو 28, 2008 1:45 am

خلاص ولايهمج
أماني

وكلي دلع أشكرج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس المشاعر

avatar

انثى عدد الرسائل : 269
العمر : 27
تاريخ التسجيل : 06/06/2008

مُساهمةموضوع: رد: خانــ قلبي ــي   السبت يونيو 28, 2008 3:44 am

شكرا على
...القصه الحلوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحـ راكـ



انثى عدد الرسائل : 43
العمر : 30
تاريخ التسجيل : 07/06/2008

مُساهمةموضوع: رد: خانــ قلبي ــي   الأحد يونيو 29, 2008 1:18 am

تسلمين فديتج ع الراااااااي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احلام وردية

avatar

انثى عدد الرسائل : 70
العمر : 23
العمل/الترفيه : طالبة من مدرسة الوادي للتعليم الاساسي للبنات ح2 براس الخيمة غليلة
تاريخ التسجيل : 20/05/2008

مُساهمةموضوع: رد: خانــ قلبي ــي   الأحد يونيو 29, 2008 7:32 am

يسلمووووووووووووو lol! ووووو على القـــــــــــــــصهــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنوتهـ كتكوتهـ

avatar

انثى عدد الرسائل : 620
العمر : 22
العمل/الترفيه : ؟؟؟؟؟؟؟؟؟؟؟؟
تاريخ التسجيل : 10/06/2008

مُساهمةموضوع: رد: خانــ قلبي ــي   الأربعاء يوليو 02, 2008 12:19 am

مشكووووووووووره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سحابة الامارات



انثى عدد الرسائل : 185
العمر : 22
العمل/الترفيه : طالبة
تاريخ التسجيل : 28/06/2008

مُساهمةموضوع: رد: خانــ قلبي ــي   الأحد أغسطس 03, 2008 2:31 pm

يسلموو ع القصه
ونتريااا التكمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خانــ قلبي ــي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رأس الخيمه التعليميه والإجتماعيه  :: منتديات ترفيهيه :: منتدى القصص والروايات-
انتقل الى: